Група місіянэраў з ЗША, а таксама іх сямейнікі, у тым ліку дзеці, былі выкрадзеныя ўзброенай групоўкай каля гаіцянскага Порт-о-Прэнса.
Паводле ВВС, прынамсі 15 чалавек былі выкрадзеныя пасьля наведваньня дзіцячага дома. Пра гэта паведамілі СМІ крыніцы ў сужбах бясьпекі Гаіці.
Гаіці мае адзін з самых высокіх паказчыкаў выкраданьняў у сьвеце, бо магутныя групоўкі выкарыстоўваюць беззаконьне, каб зарабіць на выкупных плацяжах.
Пасьля забойства прэзыдэнта Жавэнэля Маіса ў ліпені канкуруючыя групоўкі спрабавалі атрымаць кантроль над краінай.