У пачатку жніўня на беларуска-польскай мяжы недалёка ад польскага населенага пункта Уснаж-Гурны (Падляскае ваяводзтва), зьявіўся імправізаваны лягер мігрантаў. Гэтыя людзі спрабавалі незаконна перасячы мяжу Польшчы з боку Беларусі, але польскія памежнікі не пусьцілі іх на сваю тэрыторыю, а беларускія не дазволілі вярнуцца назад. З таго часу каля 30 грамадзянаў Афганістану застаюцца на мяжы дзьвюх краін.
Patrol samolotem Straży Granicznej PZL-104M Wilga nad granicą 🇵🇱🇧🇾 ok. miejscowości Usnarz Górny. Dokładnie na linii granicy stoi już w tym miejscu zapora techniczna. #PodlaskiOSG ochrania odcinek granicy z Białorusią o dł. 247km a #NadbużańskiOSG - 171 km.#NaStraży pic.twitter.com/0lxslL5NpG
— Straż Graniczna (@Straz_Graniczna) October 3, 2021
Польскія ўлады цьвердзяць, што мігранты знаходзяцца на тэрыторыі Беларусі. Як паведамляў тэлеканал TVP Info са спасылкай на прадстаўніцу Памежнай службы Польшчы Ганну Міхальскую, беларускія памежнікі ў лісьце польскім калегам пацьвердзілі, што мігранты знаходзяцца на беларускай тэрыторыі. Пазьней беларускія службы заяўлялі, што лягер разьмешчаны ў Польшчы.
ГЛЯДЗІЦЕ ТАКСАМА: Беларусь вярнула на сваю тэрыторыю мігрантаў, якія месяц жылі побач з нэўтральнай паласой- У суботу 2 кастрычніка польская памежная служба зафіксавала 398 спробаў незаконнага перасячэньня беларуска-польскай мяжы. Яшчэ 29 чалавек, якія незаконна перайшлі мяжу, і тры чалавекі, якія дапамагалі ім, былі затрыманыя.