Самалёт з 1,5 млн доз вакцыны супраць COVID-19 вылецеў з Пэкіну ў Беларусь, паведаміў афіцыйны Тэлеграм-канал Міністэрства аховы здароўя Беларусі.
Паводле Мінздароўя, у гэтым грузе – 500 тысяч доз, якія кітайскі бок даў Беларусі як сяброўскую гуманітарную дапамогу, а таксама 1 мільён закупленых доз. Таксама на борце 500 тысяч шпрыцаў.
Раней Кітай ужо перадаў Беларусі 400 тысяч доз вакцыны Vero Cell на бязвыплатнай аснове. Цяпер не паведамляецца, якія менавіта вакцыны вязуць з Кітаю.
ГЛЯДЗІЦЕ ТАКСАМА: 13,5% беларусаў прайшлі поўны курс вакцынацыі ад каранавірусу