Васьмёра мігрантаў паляцелі зь Літвы дадому, яшчэ тры дзясяткі выказалі такое жаданьне. Пра гэта паведаміла ў этэры LRT radio дырэктарка літоўскага Дэпартамэнту міграцыі Эвэліна Гудзінскайце.
У Літве мігрантам прапануюць 300 эўра і квіток на самалёт, калі яны выкажуць жаданьне вярнуцца дадому. Большасьць з 4 тысяч мігрантаў, якія сёлета незаконна трапілі ў Літву, грамадзяне Іраку. Пры гэтым многія прыбылі ў краіну ўжо без дакумэнтаў.
Па словах Гудзінскайце, каля 2000 мігрантаў падалі прашэньні аб наданьні прыстанішча. У дэпартамэнце чакаюць, што можа паступіць яшчэ каля тысячы такіх просьбаў.
ГЛЯДЗІЦЕ ТАКСАМА: Літва разглядае ад мігрантаў з Азіі і Афрыкі каля 200 заяў на статус уцекача«Кожная заява разглядаецца індывідуальна, але пасьля ацэнкі профіляў я прагназую, што толькі каля 2-3% ад усіх мігрантаў змогуць атрымаць прыстанішча. Рашэньні аб заявах астатніх, хутчэй за ўсё, будуць адмоўнымі», — сказала яна.
Раней улады Літвы назвалі дзеяньні ўладаў Беларусі «гібрыднай агрэсіяй», абвінаваціўшы Лукашэнку і ягоных падначаленых у наўмыснай дастаўцы мігрантаў да межаў Эўразьвязу. Пацярпелымі ў гэтай сытуацыі таксама сталі суседнія Латвія і Польшча.
ГЛЯДЗІЦЕ ТАКСАМА: Расьсьледаваньне выявіла датычнасьць афіцыйнага Менску да мігрантаў у Літве ГЛЯДЗІЦЕ ТАКСАМА: «Лукашэнку спыніць эканамічная блякада». Паразмаўлялі з польскім дэпутатам, які спрабаваў прарваць кардон на польска-беларускай мяжы