30 затрыманых у суботу мігрантаў прадставіліся ірацкімі грамадзянамі або мелі дакумэнты гэтай краіны, паведамляе delfi.lt.
Мігранты будуць правераныя на COVID-19 і ізаляваныя да атрыманьня вынікаў. Абставіны здарэньня высьвятляюцца, вядзецца сьледзтва. Пра асобаў, якія папрасілі прытулку, быў апавешчаны Дэпартамэнт міграцыі, які разглядае такія прашэньні.
ГЛЯДЗІЦЕ ТАКСАМА: Дасьледніца міграцыі: беларускія памежнікі проста кажуць мігрантам «ня блытайцеся пад нагамі»Паведамляецца таксама, што сёлета ў Цэнтар рэгістрацыі замежнікаў не вярнулася 70 шукальнікаў прытулку. Гэтыя людзі выйшлі з цэнтру законна, маючы дазвол на свабодны рух па-за цэнтрам.
ГЛЯДЗІЦЕ ТАКСАМА: Да 15 тысяч даляраў за паездку. Літоўскае расьсьледаваньне пра незаконную міграцыю празь БеларусьЗамежнікі, якіх утрымліваюць на заставах, у памяшканьнях самаўрадаў і ў спэцыяльна абсталяваных месцах, права на свабодны рух ня маюць. На гэтым тыдні з такога часовага месца ўтрыманьня ўцяклі шэсьць мігрантаў, празь некалькі дзён яны былі затрыманыя.