«Трэба рашуча асудзіць міграцыю, якую трэція краіны выкарыстоўваюць як зброю супраць ЭЗ, — цытуе кіраўніка гішпанскага ўраду Пэдра Санчэса партал Delfi. — І ў гэтым выпадку прэзыдэнт [Літвы] можа разьлічваць на нашу ўсебаковую падтрымку, бо мы таксама пакутавалі ад паводзінаў такога тыпу ў нядаўнім мінулым».
ГЛЯДЗІЦЕ ТАКСАМА: На літоўскай мяжы за суткі затрымалі яшчэ 72 чалавекі, 49 — на польскайСёньняшняя прэс-канфэрэнцыя з удзелам Пэдра Санчэса і прэзыдэнта Літвы Гітанаса Наўседы на вайскова-паветранай базе NATO ў горадзе Шаўляі на поўначы Літвы была перапыненая, калі над Балтыйскім морам зьявіўся неапазнаны расейскі самалёт.
Як паведамляе гішпанская газэта El Mundo, у паветра падняліся два гішпанскія зьнішчальнікі. Гішпанскія вайскоўцы разьмешчаныя на базе на аснове ратацыі. Пазьней Пэдра Санчэс падкрэсьліў важнасьць гішпанскай прысутнасьці ў абароне бясьпекі ўсіх чальцоў NATO. Расійскае міністэрства абароны інцыдэнт не камэнтавала.