26 чэрвеня вайскоўцы і пажарныя ў Чэхіі пачалі разьбіраць рэшткі разбураных дамоў пасьля тарнада.
Ліквідацыя наступстваў у Паўднёвай Маравіі таксама ўключае агляд будынкаў, якія захаваліся, каб вызначыць, ці варта іх зносіць.
Як мінімум пяць чалавек загінулі ў выніку тарнада, які абрынуўся на поўдзень 24 чэрвеня. Сярод іх — цяжарная жанчына з суседняй Славаччыны, ненароджанае дзіця якой таксама загінула.
Яшчэ 200 чалавек атрымалі раненьні, 60 чалавек мелі патрэбу ў шпіталізацыі.
Паводле зьвестак мэтэаралягічнай службы Чэхіі, тарнада пакінуў 26-кіламетровую паласу разбурэньняў шырынёй 500 мэтраў. Урад плянуе вылучыць дапамогу пацярпелым у памеры каля 19 мільёнаў даляраў.