У выніку здарылася падтапленьне машыннай залі з помпамі і з прычыны адсутнасьці падачы астуджальнай вады спынілі абсталяваньне ў сортапракатным і электрасталеплавільным цэхах. Як удакладнілі ў Міністэрстве надзвычайных сытуацый, працавала толькі адна зь дзьвюх сталеплавільных печаў.
Паводле ведамства, пацярпелых няма. Ратавальнікі адпампоўваюць ваду з машыннай залі, пасьля чаго тэхнічны пэрсанал прыступіць да рамонту і перазапуску абсталяваньня. Меркаваны час аднаўленьня тэхналягічнага працэсу цэхаў — канец дня 17 траўня.
Спэцыялісты называюць прычынай інцыдэнту кароткае замыканьне на адной з разьмеркавальных прыладаў.
На мінулым тыдні калектыў БМЗ накіраваў адкрыты ліст структурам Эўразьвязу і гандлёвым партнэрам, каб іх прадпрыемства не абкладалі эканамічнымі санкцыямі.