У Менску адбыўся традыцыйны шпацыр — адметная акцыя пратэсту пад бела-чырвонымі парасонамі.
Такія прагулкі сталі ўжо традыцыйнымі. Жанчыны ў бела-чырвонай вопратцы і з парасонамі ў нацыянальных колерах нечакана зьяўляюцца ў розных месцах Менску. Чарговае іх зьяўленьне адбылося каля Палацу культуры МАЗ на Партызанскім праспэкце.
Шпацыр прайшоў пад лёзунгам «Я гуляю!» Падобныя прагулкі сталі штотыднёвымі і працягваюцца ўжо больш за чатыры месяцы. Некаторых удзельніц сілавікам удавалася затрымаць, затым суды каралі іх арыштам. Аднак часьцей за ўсё пратэстоўцам удаецца прагуляцца па горадзе без праблем.