Судзьдзя Вольга Гусакова адмовіла пазоўніцы ў задавальненьні скаргі, паведамляе Праваабарончы цэнтар «Вясна».
Летась 24 верасьня супрацоўнікі міліцыі выкралі Людмілу Казак у цэнтры сталіцы. Пасьля ночы ў ізалятары судзьдзя Кастрычніцкага раёну Менска Аляксандар Рудэнка вынес рашэньне, якім прызнаў адвакатку вінаватай у непадпарадкаваньні пры затрыманьні і аштрафаваў на 675 рублёў.
ГЛЯДЗІЦЕ ТАКСАМА: У адвакаткі Марыі Калесьнікавай і яшчэ трох адвакатаў забралі ліцэнзііСёлета 20 студзеня пасьля ўступленьня судовай пастановы ў сілу дысцыплінарная камісія Менскай калегіі адвакатаў прыцягнула Людмілу Казак да дысцыплінарнай адказнасьці ў выглядзе «заўвагі».
19 лютага кваліфікацыйная камісія ў пытаньнях адвакацкай дзейнасьці Міністэрства юстыцыі вырашыла спыніць дзеяньне яе ліцэнзіі ў сувязі з «грубым парушэньнем заканадаўства». Такім парушэньнем палічылі прыцягненьне Людмілы Казак да адміністрацыйнай адказнасьці паводле арт. 23.4 КаАП.
ГЛЯДЗІЦЕ ТАКСАМА: Пазбаўлены ліцэнзіі адвакат Зікрацкі прадаў карціну, каб разьлічыцца з супрацоўнікамі24 лютага дзеяньне ліцэнзіі спынілі, нягледзячы на тое, што скарга на пастанову па адміністрацыйнай справе яшчэ не была разгледжана Вярхоўным судом.
У гэтым зьвязку Людміла Казак прасіла прызнаць рашэньне Міністэрства юстыцыі неправамерным і абавязаць дзяржорган ліквідаваць парушэньне праз аднаўленьне адвакацкай ліцэнзіі. Суд яе патрабаваньне не падтрымаў.
ГЛЯДЗІЦЕ ТАКСАМА: Дысцыплінарная камісія вынесла адвакату Бабарыкі і Знака Лаеўскаму вымову. За што — не сказаліДа забароны на прафэсію Людміла Казак прадстаўляла інтарэсы палітзьняволенай Марыі Калесьнікавай. Аналягічны лёс напаткаў і многіх іншых адвакатаў, якія ўдзельнічалі ў палітычных працэсах.