На паўднёвым захадзе Парыжу 12 красавіка ў выніку страляніны каля бальніцы імя Анры Дзюнана загінуў адзін чалавек. Параненая жанчына ў цяжкім стане дастаўлена ў бальніцу, паведаміла France Télévisions са спасылкай на крыніцы ў паліцыі.
Відавочца нападу паведаміў выданьню Le Figaro, што пачуў агулам шэсьць стрэлаў.
Той, хто страляў, зьехаў на скутэры без нумароў. Пракуратура Парыжу пачала расьсьледаваньне па артыкулах аб забойстве і спробе забойства.
Герыятрычны шпіталь імя Анры Дзюнана — непадалёк ад станцыі мэтро Porte de Saint-Cloud у XVI акрузе Парыжу. Тут жа разьмешчаны цэнтар вакцынацыі ад COVID-19.
ГЛЯДЗІЦЕ ТАКСАМА: Жонка палітоляга Фядуты паведаміла, што зь ім зьнікла сувязь у Маскве