Супрацоўнікі ГУБАЗіК МУС затрымалі сямёх актыўных удзельнікаў закрытага дваровага чату ў Маскоўскім раёне сталіцы.
Пра гэта паведаміў прэс-сакратар МУС Беларусі, азначыўшы, што аб «дэструктыўнай скіраванасьці дзейнасьці» затрыманых МУС атрымаў інфармацыю ад грамадзянаў.
«Сярэдні ўзрост затрыманых 30–35 гадоў. Рэгулярна ўладкоўваючы фатасэсіі з закрытымі абліччамі, яны „выкідвалі“ зробленыя здымкі на дэструктыўныя каналы, ствараючы бачнасьць маштабнай падтрымкі пратэсту. У аднаго з фігурантаў у кватэры акрамя пратэставай атрыбутыкі выяўленыя вазоны з канабісам і шпрыцы», — гаворыцца ў паведамленьні.
ГЛЯДЗІЦЕ ТАКСАМА: «У чаце хтосьці абразіў прэзыдэнта». Жыхар Новай Баравой пра «аблаву» на жыхароў раёну