Сэйм Польшчы прыняў заяву, у якой асудзіў пазбаўленьне волі журналістак «Белсату» Кацярыны Андрэевай і Дарʼі Чульцовай.
Пра гэта паведамляе тэлеграм-канал БАЖу.
Сэйм запатрабаваў неадкладна вызваліць Андрэеву і Чульцову, а таксама ўсіх палітвязьняў, і заклікаў міжнародную супольнасьць выказаць салідарнасьць зь беларускім грамадзтвам, якое змагаецца за сваю свабоду.
«Сэйм Рэспублікі Польшча заклікае ўлады Рэспублікі Беларусь выконваць асноўныя абавязкі перад сваімі грамадзянамі згодна з актамі міжнароднага права», — гаворыцца ў заяве.