Ужо сёньня: Дзень аднаўленьня дзяржаўнасьці Літвы

Гэты дзень у гісторыі

1918 — была абвешчаная незалежная Літоўская Рэспубліка; гэты дзень адзначаецца ў Літве як дзяржаўнае сьвята — Дзень аднаўленьня дзяржаўнасьці.

1925 — пры Інбелкульце заснаваная бібліятэка, цяпер — Цэнтральная навуковая бібліятэка імя Якуба Коласа НАН Беларусі.

Навуковая камісія Інстытуту беларускай культуры (Інбелкульт), 1922 год, Менск. Сядзяць зьлева направа: Я. Купала, А. Круталевіч, Я. Лёсік, С. Некрашэвіч, У. Чаржынскі, В. Шэмпель, М. Байкоў

1999 — у Беларусі пачаўся першы пасьля абвяшчэньня незалежнасьці перапіс насельніцтва.

У гэты дзень нарадзіліся

1895 — Францішак Кушаль, беларускі вайсковы і палітычны дзеяч, публіцыст.

1902 — Рыгор Мурашка, беларускі паэт.

1925 — Іван Навуменка, беларускі пісьменьнік і літаратуразнаўца.

Алесь Адамовіч, Іван Мележ, Іван Навуменка і Янка Брыль. Канец 1960-х гг.

1939 — Чэслаў Немэн, польскі музыка і сьпявак.

Урачыстае адкрыцьцё мэмарыяльнай шыльды, прысьвечанай польскаму музыку і кампазытару беларускага паходжаньня Чэславу Немэну, у Горадні. Горадня, 6 чэрвеня 2019 году

У памяці

1665 — Стэфан Чарнецкі, вайсковы дзеяч Рэчы Паспалітай.

1905 — Павал Баброўскі, беларускі гісторык і этнограф.

1952 — Еўсьцігней Міровіч, беларускі драматург і тэатральны рэжысэр.

Еўсьцігней Міровіч

1987 — Залман Гарэлік, беларускі геоляг, арганізатар геалягічнае службы Беларусі.