Былы старэйшы опэрупаўнаважаны Ўпраўленьня наркакантролю і процідзеяньня гандлю людзьмі Мацьвей Купрэйчык расказаў пра гэта ў інтэрвію каналу «Краіна для жыцьця»
— Для забесьпячэньня бясьпекі дэлегатаў на Ўсебеларускі народны сход пад самыя звычайныя дарожныя масты выставілі супрацоўнікаў раённых РУУС. Раптам, іх узарвуць? Былі супрацоўнікі, якіх паставілі а 4 раніцы, хоць аўтобусы там праяжджалі толькі а 12 гадзіне дня. Уявіце, як на марозе ў мінус 15 чалавек вымярзае. Як людзі ўнутры сыстэмы і афіцэры гатовыя трываць такое стаўленьне да сябе? Ніхто ж за такую працу дадаткова не заплаціць.
Мацьвей Купрэйчык у канцы жніўня звольніўся з працы, падаўшы рапарт. Цяпер ён дапамагае ініцыятыве BYPOL.