Гістарычныя беларускія сьцягі залуналі над будынкамі магістрату і ўпраўленьняў гарадзкіх раёнаў ды над офісам рэгіянальнага (краёвага) упраўленьня.
«Гэтым сымбалічным актам узьняцьця сьцяга кіраўніцтва гораду Брно чарговы раз вырашыла выказаць падтрымку грамадзянам Беларусі ў галіне павагі і захаваньня правоў чалавека. Маючы на ўвазе гістарычныя падзеі ў Чэхаславаччыне, кіраўніцтва гораду актам узьняцьця традыцыйнага беларускага сьцяга таксама нагадвае сабе і ўсім іншым пра важнасьць грамадзянскага дыялёгу, свабоды слова і прадухіленьня любых праяваў гвалту дзяржавы супраць грамадзянскай супольнасьці. Дэпутаты гарадзкой рады Брна заклікаюць Беларусь паважаць правы чалавека, дэмакратыю і вяршэнства закону», — заявіла мэр Брна Маркета Ванькава.
Фота: Алеська Сматрычэнка