25 студзеня пачалася раптоўная комплексная праверка баявой і мабілізацыйнай гатоўнасьці Ўзброеных сілаў Беларусі.
Як паведамляе Міністэрства абароны, праверка пачалася на распараджэньне кіраўніка ведамства, кіруе ўсім начальнік Генэральнага штабу.
Некаторыя вайсковыя падразьдзяленьні прыводзяцца ў найвышэйшую ступень боегатоўнасьці, ідзе даўкамплектаваньне адной з частак 120-й мэханізаванай брыгады.
ГЛЯДЗІЦЕ ТАКСАМА: Лукашэнка прызнаў, што трымаць войскі на захадзе краіны «нятанна». NATO ўжо раней заяўляла, што такой патрэбы нямаПаведамляецца, што войскі высунуцца на ўсе беларускія палігоны і асобныя ўчасткі мясцовасьці. Вайскоўцам загадана адпрацоўваць баявыя задачы як днём, так і ноччу, фарсаваць водныя перашкоды, дзейнічаць у лясных масівах і населеных пунктах.
На заканчэньне праверкі заплянаваныя кантрольныя заняткі і тактычныя вучэньні з баявой стральбой.