Бэрні Сандэрс, якога сфатаграфавалі на інаўгурацыі ў рукавіцах і з хмурным выразам твару пад маскай, заявіў, што ён рады, што гэтая фатаграфія, якая імгненна стала мэмам, дапаможа сабраць мільёны даляраў на дабрачынныя мэты.
here is the original, he looks very comfy i hope you all are as comfy as Mr bernie sanders tonight pic.twitter.com/EWCFrG2gfF
— BIG L!! || art pinned (@lucaguts) January 23, 2021
Здымак стаў асновай для цэлага шэрагу сьмешных кампазыцый. На іх Сандэрс дакранаецца рукавіцай рукі Бога ў Сыкстынскай капэле, дапамагае акторцы Дэмі Мур ляпіць вазу на ганчарным крузе ў сцэне зь фільма «Прывід» або сядзіць разам з Уінстанам Чэрчылем, Франклінам Рузвэльтам і Ёсіфам Сталіным на Ялцінскай канфэрэнцыі 1945 году.
Sen. Bernie Sanders%27 campaign store is selling sweatshirts featuring the photo that inspired countless memes, and all the proceeds are going to charity https://t.co/y10wmD8pB6 pic.twitter.com/yAnIf0FlVs
— CNN Politics (@CNNPolitics) January 23, 2021
У адказ на пытаньне CNN, ці падабаюцца яму гэтыя мэмы, 79-гадовы сэнатар усьміхнуўся і сказаў, што ён вельмі рады, што яго рукавіцы ручной работы, зьвязаныя настаўніцай са штату Вэрмонт, блакітная маска і злосны погляд можна будзе ператварыць у грошы для амэрыканцаў, якія ў нястачы.
— Supermeming (@Supermeming) January 24, 2021
«Тут, у Вэрмонце, мы ня толькі забаўляемся, але таксама будзем прадаваць па ўсёй краіне швэдры і футболкі [з гэтымі малюнкамі]. Усе сабраныя грошы, думаю, гэта будзе пара мільёнаў даляраў, пойдуць на такія праграмы, як „Ежа на колах“, якія дапамагаюць забясьпечваць харчаваньнем пажылых людзей з нізкімі даходамі», — сказаў Сандэрс.
BERNNNIEEEEE @BernieSanders 🇺🇸 pic.twitter.com/zrFj1OtrzC
— I don’t have my life together — (@MamaaKobold) January 25, 2021
«Так што гэта будзе ня толькі весела, але і добра», — дадаў ён.