Палітвязьню Алегу Мазгову 1 сьнежня зьмянілі меру стрыманьня з утрыманьня пад вартай на падпіску пра нявыезд.
Пра гэта паведаміў праваабарончы цэнтар «Вясна». Мазгоў — фігурант крымінальнай справы паводле арт. 293 Крымінальнага кодэксу (масавыя беспарадкі).
ГЛЯДЗІЦЕ ТАКСАМА: Васкрасенскі, які арганізаваў круглы стол пасьля сустрэчы з Лукашэнкам у СІЗА КДБ, заклікаў улады амніставаць палітвязьняў«25-гадовы спартовец Алег Мазгоў да затрыманьня працаваў у Менску фітнэс-трэнэрам, займаўся боксам. Да арышту ўладкаваўся на другую працу грузчыкам, каб зрабіць дома рамонт і падрыхтавацца да нараджэньня дзіцяці. Быў затрыманы 1 верасьня за ўдзел у акцыі пратэсту 9 жніўня, у дзень прэзыдэнцкіх выбараў. Утрымліваўся пад вартай у СІЗА № 1 на Валадарскага», — паведамляюць праваабаронцы.
Палітвязьнем Мазгоў быў прызнаны 17 верасьня. Агулам беларускія праваабаронцы прызналі палітвязьнямі 146 чалавек.
ГЛЯДЗІЦЕ ТАКСАМА: «Мы заўсёды будзем яму ўдзячныя». Як стваральнік бел-чырвона-белага сьцяга ўратаваў габрэйскую дзяўчынку ад Галакосту