Берасьцеец, які выйшаў з турмы, вырашыў абакрасьці аўтамабіль, але не распазнаў амапаўскі мікрааўтобус.
Ён хадзіў каля прыпаркаваных машын і торгаў за ручкі дзьвярэй. Зь незамкнутага BMW ён скраў акуляры, FM-мадулятар і флэшку, расказала берасьцейскае РУУС.
Наступнымі незамкнутымі былі дзьверы мікрааўтобуса. Ён зайшоў і ўбачыў супрацоўнікаў АМАПу. Гэта быў службовы аўтамабіль.
Берасьцеец не зьбянтэжыўся і сказаў, што памыліўся машынай. Але яго затрымалі. Скрадзеныя рэчы вярнулі гаспадару.
ГЛЯДЗІЦЕ ТАКСАМА: Чым адрозьніваюцца «людзі ў чорным» ад «людзей у аліўкавым». Тлумачым з экспэртам