Футбольны трэнэр Рэспубліканскага цэнтру алімпійскай падрыхтоўкі Руслан Пратасеня атрымаў 14 сутак адміністрацыйнага арышту за ўдзел у несанкцыянаваным мітынгу 15 лістапада, паведамляе рэсурс Tribuna.com.
На судзе, які адбыўся 16 лістапада, Пратасеня расказаў, што прыйшоў на «плошчу Перамен» ушанаваць памяць Рамана Бандарэнкі і меў з сабой чырвона-зялёны сьцяг Беларусі. Ён спытаў у супрацоўніка АМАПу, ці можа знаходзіцца там з такім сьцягам, але яго адвезьлі ў РАУС.