Улады Азэрбайджану паведамілі пра ракетны абстрэл другога па велічыні гораду краіны — Гянджы. Паводле ўладаў, удар нанесены тактычнымі ракетнымі комплексамі з боку Армэніі. Ерэван гэта адмаўляе.
Азэрбайджанскія ўлады паведамляюць пра гібель у Гянджы 13 чалавек і раненьні яшчэ 50.
Innocent civilians in the second biggest city of Azerbaijan are under the indiscriminate and targeted missile attack of Armenia. Unscrupulous calls for humanitarian ceasefire should see these war crimes of #Armenia. According to initial info more than 20 houses destroyed. pic.twitter.com/fznh82kqur
— Hikmet Hajiyev (@HikmetHajiyev) October 16, 2020
Тым часам улады непрызнанай Нагорна-Карабаскай рэспублікі паведамляюць пра новы абстрэл сваёй сталіцы, Стэпанакерту, і іншых паселішчаў. Армэнія заяўляе аб азэрбайджанскіх бесьпілётніках над сваёй тэрыторыяй.
Прэзыдэнт Азэрбайджану Ільхам Аліеў раніцай 17 кастрычніка абвясьціў, што азэрбайджанская армія заняла трэці раённы цэнтар з тых, што з пачатку 1990-х гадоў заставаліся пад кантролем армянскіх сілаў, — горад Фізулі. Армянскі бок гэтага пакуль не камэнтуе.
ГЛЯДЗІЦЕ ТАКСАМА: Чаму спробы вырашыць праблему Нагорнага Карабаху раз за разам правальваюцца. ТлумачымУзброены канфлікт у Нагорным Карабаху рэзка абвастрыўся ў канцы верасьня. 10 кастрычніка бакі пры пасярэдніцтве Масквы дамовіліся аб замірэньні, аднак неўзабаве пасьля яго ўступленьня ў сілу пачалі рэгулярна вінаваціць адно аднаго ў парушэньні пагадненьня.