Актыўнасьць сіл NATO каля беларускіх межаў працягвае турбаваць Менск, адэкватнае рэагаваньне на сытуацыю на мяжы будзе працягнутае, заявіў міністар абароны Віктар Хрэнін па выніках нарады ў Лукашэнкі ў суботу.
«Той комплекс мерапрыемстваў, які праводзіўся ў рамках вучэньня на Горадзенскім тактычным напрамку, згорнуты, войскі вернутыя ў пункты пастаяннай дысьлякацыі. Але мы працягваем адэкватна рэагаваць на тое, што адбываецца каля нашай дзяржаўнай мяжы», — сказаў Хрэнін у эфіры тэлеканалу СТВ.
Перакінуць войскі на заходнюю мяжу Лукашэнка загадаў у сярэдзіне жніўня. На яго думку, актыўнасьць NATO ўяўляла небясьпеку для Беларусі. Кіраўніцтва альянсу неаднаразова гэта зьняпраўджвала.
ГЛЯДЗІЦЕ ТАКСАМА: Лукашэнка прызнаў, што трымаць войскі на захадзе краіны «нятанна». NATO ўжо раней заяўляла, што такой патрэбы няма