Старшыня Кангрэсу мясцовых і рэгіянальных органаў улады Рады Эўропы Андэрс Кнапе зрабіў заяву аб сытуацыі ў Беларусі.
«Падзеі ў Беларусі пасьля прэзыдэнцкіх выбараў сьведчаць пра імкненьне народу да дэмакратычных пераменаў і неабходнасьць дыялёгу паміж грамадзянамі і ўладай. Кангрэс вядзе супрацу зь Беларусьсю, накіраваную на паляпшэньне мясцовага самакіраваньня, бо мы перакананыя: дэмакратычныя рэформы павінны прадугледжваць дэцэнтралізацыю ўлады на рэгіянальным узроўні і актыўны ўдзел грамадзян у кіраваньні іх грамадамі», — падкрэсьліў Андэрс Кнапе.
ГЛЯДЗІЦЕ ТАКСАМА: «Мы не прызнаем Лукашэнку прэзыдэнтам, як і не прызнаем Нікаляса Мадуру», — БурэльПа яго словах, Кангрэс працягне падтрымліваць дэмакратызацыю ў Беларусі, акцэнтуючыся на важнасьці ўмоваў, заснаваных на даверы грамадзянаў і ўдзеле грамадзянскай супольнасьці ў прыняцьці рашэньняў.
«Мы гатовыя выкарыстоўваць наш досьвед дзеля ўдасканалення заканадаўчай базы краіны ў сьвятле Эўрапейскай хартыі мясцовага самакіраваньня і яе дадатковага пратаколу аб праве грамадзянаў на ўдзел у справах мясцовых органаў улады», — адзначыў Андэрс Кнапе.
ГЛЯДЗІЦЕ ТАКСАМА: Макей папярэдзіў краіны Эўразьвязу наконт санкцыяўКангрэс мясцовых і рэгіянальных органаў улады Рады Эўропы мае дзьве палаты: мясцовых органаў і рэгіёнаў. Яна аб’ядноўвае 324 прадстаўнікі і 324 намесьнікі, якія прадстаўляюць больш 150 000 эўрапейскіх тэрытарыяльных грамадаў.