У прэмʼер-міністра Вялікай Брытаніі Борыса Джонсана нарадзіўся сын. Як паведамляюць брытанскія СМІ, у сераду 29 красавіка Кэры Саймондс, зь якой заручаны Джонсан, нарадзіла хлопчыка. Маці і дзіця пачуваюцца добра.
Каранавірус у Беларусі і ў сьвеце. Як разьвіваюцца падзеі >>
Сын Джонсана зьявіўся на сьвет праз два дні пасьля таго, як брытанскі прэмʼер зноў прыступіў да выкананьня сваіх абавязкаў, перахварэўшы на COVID-19. Хвароба працякала даволі цяжка, Джонсан быў шпіталізаваны ў адну зь лёнданскіх клінік, некаторы час яму падавалі кісларод — для аблягчэньня выкліканых каранавіруснай інфэкцыяй праблем з дыханьнем.
ГЛЯДЗІЦЕ ТАКСАМА: Джонсан папярэдзіў брытанцаў пра рызыку другой хвалі пандэмііБорысу Джонсану 55 гадоў, Кэры Саймондс — 32 гады. Яны некалькі гадоў жывуць разам і зьбіраюцца пажаніцца. Нованароджаны хлопчык — шостае дзіця прэмʼер-міністра: у яго два сыны і дзьве дачкі ад Марыны Ўілерам, зь якой Джонсан разьвёўся, і дачка ад пазашлюбнай сувязі з Хэлен Макінтайр.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ