Кінастудыя «Беларусьфільм» перанесла прэмʼеру фільму «Авантуры Пранціша Вырвіча» на травень. Прэмʼера адбудзецца адначасова на беларускай і расейскай мовах.
Што за фільм?
«Авантуры Пранціша Вырвіча» зьнялі паводле першага раману зь пяцікніжжа беларускай пісьменьніцы Людмілы Рублеўскай. Першыя перадпаказы фільму ў сакавіку прайшлі па-расейску.
Рэжысэр Аляксандар Анісімаў разьлічваў прадаць фільм у Расею.
Калі будзе прэмʼера?
Папярэдне прэмʼеру фільму перанесьлі на травень. Паводле «Беларусьфільму», прэмʼера адбудзецца, калі фільм пераагучаць на беларускую, каб прэзэнтаваць яго гледачам адначасова на дзьвюх мовах.
ГЛЯДЗІЦЕ ТАКСАМА: «Бо ён ня толькі для Беларусі». «Беларусьфільм» паказаў зьнятую па-расейску стужку паводле раману Людмілы Рублеўскай