Міністэрства антыманапольнага рэгуляваньня і гандлю (МАРГ) падрыхтавала праект пастановы ўраду, скіраваны на ўвядзеньне асобных абмежаваньняў і забаронаў пры гандлі жавальных сумесяў зь нікатынам.
Што маюць на ўвазе? Жавальныя падушачкі зь нікатынам (сьнюсы).
Прапануюць забараніць продаж сумесяў зь нікатынам:
- непаўналетнім да 18 гадоў;
- мэтадам адкрытай выкладкі і самаабслугоўваньня;
- шляхам разноснага гандлю, на рынках і праз інтэрнэт.
Чаму хочуць забараніць? Абарачэньне падобных вырабаў заканадаўствам не рэгулюецца. Яны папулярныя сярод моладзі, сэгмэнт падобных вырабаў зь нікатыну расьце.