Самалёт А321 авіякампаніі «Ўральскія авіялініі» экстрана сеў у Падмаскоўі на кукурузным полі. У яго загарэўся рухавік.
Як паведамляе Meduza, самалёт А321 зрабіў аварыйную пасадку раніцай 15 жніўня ў Падмаскоўі пасьля вылету з аэрапорта Жукоўскага.
Первые секунды после pic.twitter.com/MaX1lcbz0f
— романтика окраин (@artemiyplk) August 15, 2019
Ляйнэр, на борце якога знаходзіліся 234 чалавекі, у тым ліку сем чальцоў экіпажу, ляцеў рэйсам у анэксаваны Расеяй Сімферопаль.
Пры наборы вышыні ляйнэр сутыкнуўся з чарадой чаек. Абодва рухавікі А321 адключыліся, бо ў іх трапілі птушкі. Адзін з рухавікоў загарэўся.
У выніку экіпаж пасадзіў судна на кукурузным полі за кілямэтар ад узьлётна-пасадачнай паласы аэрапорту. Самалёт прызямляўся з увабраным шасі. Пасажыраў эвакуавалі з салёну з дапамогай надзіманых трапаў. Як адзначылі ў Расавіяцыі, пажару на борце А321 не было.
Самолёт А321 приземлился в открытом поле в Раменском районе Подмосковья после отказа оборудования. pic.twitter.com/nP3MHYzxV8
— baza (@bazabazon) August 15, 2019
У аварыі пацярпелі дзесяць чалавек, у тым ліку трое дзяцей, паведамілі ў МНС. Усе пацярпелыя шпіталізаваныя. У іх зафіксаваныя ўдары і раны, сур’ёзных траўмаў няма.