Міжнароднае інфармацыйнае агенцтва Associated Press зьмяніла ў сваіх матэрыялах правапіс украінскай сталіцы з Kiev на Kyiv.
«AP зьмяніла правапіс сталіцы Ўкраіны на Kyiv у адпаведнасьці з пажаданьнямі ўкраінскага ўраду наконт трансьлітэрацыі гэтай назвы на ангельскую і ў сувязі з пашырэньнем выкарыстаньня» — паведаміла агенцтва ў сваім твітар-акаўнце AP Stylebook.
AP has changed its style for the capital of Ukraine to Kyiv, in line with the Ukrainian government’s preferred transliteration to English and increasing usage. Include a reference in stories to the former spelling of Kiev. The food dish remains chicken Kiev.
— AP Stylebook (@APStylebook) August 14, 2019
Адначасова журналісты працягваюць называць катлету па-кіеўску як «chicken Kiev».
Увосень 2018 году міністэрства замежных справаў Украіны распачало кампанію #KyivNotKiev. У савецкія часы ў англамоўных СМІ замацавалася трансьлітарацыя назвы ўкраінскай сталіцы ў адпаведнасьці з расейскім напісаньнем. Украінскае МЗС настойвала на назьве Kyiv, якая бліжэйшая да ўкраінскай формы.
За час кампаніі дзясяткі аэрапортаў пачалі пісаць назву Кіева так, як прапанаваў МЗС Украіны.
ГЛЯДЗІЦЕ ТАКСАМА: Ці далучылася Беларусь да арганізаванай украінскімі ўладамі кампаніі #KyivNotKiev