На Храмавай гары ў Ерусаліме адбыўся канфлікт паміж мусульманамі і юдэямі. Прычынай стала супадзеньне мусульманскага сьвята Курбан-байрам і нацыянальнага дня жалобы габрэйскага народа Дзявятага ава, піша The Jerusalem Post.
Як адзначылі журналісты, звычайна ў дні Курбан-байраму Храмавая гара зачыненая для ўсіх, хто не вызнае іслам, але ў гэтым годзе даты супалі. Пасьля ранішніх акцый пратэсту габрэйскага народа, юдэям дазволілі прайсьці ў сьвятыню. Мусульмане перашкодзілі ўваходу юдэяў на Храмавую гару, што прывяло да сутычак паміж грамадзянамі.
😳Moment of suppression of the brutal occupation of worshipers~Courtyards of #AlAqsa Mosque🇮🇱#Israel~The only #democracy in the ME🤔A sick world, suffering on military & police violence#GroupPalestine🇵🇸#قروب_فلسطيني#Jerusalem #Palestine #EidAlAdha pic.twitter.com/OKd83mSARY
— Phoenix from the Ashes (@Filistin_Roots) 11 August 2019
Паліцыя ўмяшалася, каб спыніць канфлікт. Сілавікі выкарыстоўвалі сьветлашумавыя гранаты і іншыя сродкі. Вядома, што ёсьць пацярпелыя сярод прадстаўнікоў абедзьвюх рэлігій, аднак дакладная колькасьць пакуль не называецца.
Israeli forces attack women at #AlAqsa mosque. #Jerusalem #Palestine pic.twitter.com/RVOCo7CPdg
— Freelancer Mustakin (@jkmustakin) 11 August 2019
Пасьля гэтага ўлады Ерусалімау забаранілі юдэям уваходзіць у сьвятыню ў мэтах бясьпекі. Каля храма сабралася каля 80 тысяч мусульман, якія сьвяткуюць Курбан-байрам.
Храмавая гара — абнесеная высокімі сьценамі прастакутная плошча на ўсходнім баку Старога горада Ерусаліму. Сьвятое месца для прыхільнікаў юдаізму і трэцяе па сьвятасьці — для мусульман.