Дэпутат Вярхоўнай Рады Ўкраіны Ўладзімір Ар’еў паведаміў пра напад на машыну, у якой быў папярэдні прэзыдэнт Украіны Пятро Парашэнка.
«Цітушкі толькі што напалі на аўтамабіль Парашэнкі на выхадзе з ДБР, учынілі бойку з аховай і ўцяклі ў бок плошчы Перамогі. За імі пагналіся два дзясяткі паліцыянтаў. Трое-чацьвёра клясычных цітушак-спартоўцаў. Часы рэгіяналаў вяртаюцца з шалёнай хуткасьцю», -напісаў ён на сваёй старонцы ў Фэйсбуку.
Як паведаміла Радыё Свабода прэс-сакратар паліцыі Кіева Аксана Блішчык, інцыдэнт зафіксаваны ў адзіным рэестры: на аўто экспрэзыдэнта напалі трое невядомых, калі яно стаяла ў заторы, а пасьля сутыкненьня з аховай нападнікі разьбегліся, і іх затрымаць не ўдалося.
Былы прэзыдэнт Украіны Пятро Парашэнка быў сёньня на допыце ў Дзяржаўным бюро расьсьледаваньняў Украіны.
Так і не отримавши жодної повістки, прийшов до ДБР. Ми отримали ще одне запевнення, що жодної кримінальної справи, де б фігурував Порошенко, не існує. pic.twitter.com/2EBTPLCTfX
— Петро Порошенко (@poroshenko) July 25, 2019
Раней у ДБР выклікалі Парашэнка на допыт на 17 ліпеня. Ён не прыйшоў, спаслаўшыся на занятасьць падчас выбарчай кампаніі.
ГЛЯДЗІЦЕ ТАКСАМА: Парашэнка кажа, што справы супраць яго адкрываюць па скаргах ворагаў Украіны