Жыхары Ганконгу выйшлі ў чацьвер на вуліцы гораду, каб прыбраць сьмецьце, пакінутае пасьля прыпыненых у сераду масавых акцый пратэсту. Пра сэнс гэтага рашэньня некаторыя зь іх распавялі агенцтву AFP.
VIDEO: A day after the worst political unrest since Hong Kong was handed to China in 1997, the city%27s youths are out to clear rubbish on the streets of the city pic.twitter.com/aXLvb4Zvmy
— AFP news agency (@AFP) 13 июня 2019 г.
Паводле аднаго ўдзельніка акцыі, людзі адчулі сябе абавязанымі ачысьціць вуліцы ад сьмецьця, паколькі той зьявіўся ў выніку пратэсту, які яны самі арганізавалі. «Мы хацелі зрабіць што-небудзь для гораду», — падсумаваў іншы ўдзельнік уборкі.
Мітынгі супраць законапраекту аб экстрадыцыі былі прыпыненыя пасьля таго, як улады ў сераду часова адклалі разгляд тэксту. Акцыі сталі самай маштабнай хваляй пратэстаў у горадзе за апошнія дзесяцігодзьдзі. Пратэстоўцы атачылі мясцовы заканадаўчы сход, каб прымусіць уладу да саступак.
ГЛЯДЗІЦЕ ТАКСАМА: Яшчэ ў адной краіне грамадзкія пратэсты вымушаюць уладу саступіць- Жыхары Ганконгу выступаюць супраць законапраекту, паколькі асьцерагаюцца, што ён можа быць выкарыстаны для выдачы ў мацерыковы Кітай крытыкаў уладаў. Праваабаронцы паказваюць на парушэньні правоў чалавека ў КНР і ўжываньне там сьмяротнага пакараньня. Улады сьцьвярджаюць, што мэта законапраекту — выключна барацьба са злачыннасьцю. Кіраўнік Ганконгу Кэры Лам неаднаразова заяўляла, што кіраўніцтва гораду ня будзе адмаўляцца ад зьменаў закону.
- Кітайскі сувэрэнітэт над Ганконгам быў адноўлены ў 1997 годзе, прычым горад атрымаў пэўную аўтаномію і гарантыю непахіснасьці існуючай прававой сыстэмы як найменш на 50 гадоў. Апошнім часам улады Кітаю, аднак, зрабілі шэраг крокаў, накіраваных на далейшае абмежаваньне аўтаноміі Ганконгу.