Дызайн новых банкнотаў трохі зьмяніўся, яны сталі вузейшыя і маюць дадатковыя элемэнты абароны, піша DW.
Новыя купюры па 100 і 200 эўра ўводзяцца ў абарачэньне ў краінах эўразоны 28 траўня. Пра гэта раней паведамляў Эўрапейскі цэнтрабанк.
Абноўленыя банкноты захавалі ранейшую колеравую гаму, але трохі зьмяніўся іхны дызайн. Яны сталі вузейшыя: цяпер іхная шырыня такая ж, як у купюры на 50 эўра. Дзякуючы гэтаму новыя купюры будуць лягчэй зьмяшчацца ў партманэтах грамадзян, а банкаматы будуць хутчэй іх апрацоўваць, адзначаецца на сайце Эўрапейскага цэнтрабанку.
Ever wondered how banknotes are made? Follow us behind the scenes at a printing works in Rome to see how the new €200 notes are produced! We’ve updated the €100 and €200 notes with a new design and security features. They are entering into circulation next week. #NewBanknotes pic.twitter.com/6XWz6x9ICo
— European Central Bank (@ecb) 23 мая 2019 г.
Абноўленыя купюры забясьпечаныя дадатковымі элемэнтамі абароны: на іх нанесеныя нябачныя воку ахоўныя знакі, якія можа счытаць толькі машына. Акрамя таго, яны маюць новы элемэнт — галяграму, якая мяняецца пры паварочваньні купюры.
Гэтыя банкноты завяршаюць абнаўленьне другой сэрыі эўрапейскай валюты, новыя купюры па 5, 10, 20 і 50 эўра ўжо выйшлі ў абарачэньне.
Старыя банкноты будуць таксама выкарыстоўвацца да іх натуральнага вываду з абарачэньня. Абноўленая купюра на 500 эўра выпускацца ня будзе, у канцы 2018 году старую вэрсію перасталі выпускаць у абарачэньне. Гэта зроблена, каб абцяжарыць фінансаваньне тэрарызму і нелегальнай працоўнай дзейнасьці.