Прэзыдэнт Францыі Эманюэль Макрон у тэлезвароце да нацыі ўвечары ў аўторак паабяцаў, што сабор Парыскай Божай Маці, сур’ёзна пацярпелы ад пажару, будзе адрэстаўраваны на працягу пяці гадоў.
Макрон паабяцаў, што пасьля рэканструкцыі сабор будзе «яшчэ больш цудоўным», чым раней. Ён заклікаў да нацыянальнага адзінства.
Пракуратура Парыжа пачала расьсьледаваньне пажару. Паводле папярэдняй вэрсіі, урон будынку быў нанесены ненаўмысна. У саборы ішлі рамонтныя работы. Агенцтва France Presse паведаміла са спасылкай на пажарную службу, што пажар можа быць зьвязаны з рамонтам.
Пажарнікі праз амаль дзевяць гадзін здолелі ліквідаваць узгараньне. Паводле іх, структура будынка, верагодна, выратаваная ад разбурэньня. Прэзыдэнт Францыі Эманюэль Макрон паабяцаў аднавіць сабор.