Вялікай Брытанія, Гішпанія, Францыя і Швэцыя абвясьцілі, што прызнаюць апазыцыйнага лідэра Хуана Гуайдо часовым прэзыдэнтам Вэнэсуэлы, і заклікаюць яго правесьці датэрміновыя прэзыдэнцкія выбары.
Пра гэта СМІ ў сваіх кранах заявілі міністры замежных спраў Вялікай Брытаніі, Гішпаніі, Францыі і Швэцыі.
«Нікаляс Мадура не прызначыў прэзыдэнцкіх выбараў на працягу васьмідзённага пэрыяду, які мы вызначылі. Таму Вялікая Брытанія разам з эўрапейскімі саюзьнікамі прызнае Хуана Гуайдо часовым канстытуцыйным прэзыдэнтам да правядзеньня сумленных выбараў. Спадзяёмся, гэта наблізіць нас да завяршэньня гуманітарнага крызысу», – напісаў у Twitter кіраўнік брытанскага МЗС Джэрэмі Хант.
Nicolas Maduro has not called Presidential elections within 8 day limit we have set. So UK alongside European allies now recognises @jguaido as interim constitutional president until credible elections can be held. Let’s hope this takes us closer to ending humanitarian crisis
— Jeremy Hunt (@Jeremy_Hunt) 4 lutego 2019
3-га лютага скончыўся тэрмін дзеяньня ўльтыматуму, выстаўленага ЭЗ прэзыдэнту Нікалясу Мадура. Ён павінен быў абвясьціць датэрміновыя прэзыдэнцкія выбары, інакш у ЭЗ паабяцалі прызнаць Гуайдо дзейным кіраўніком дзяржавы.
Мадура адхіліў патрабаваньні Нямеччыны, Францыі, Вялікай Брытаніі, Гішпаніі, Партугаліі, Нідэрляндаў і Бэльгіі.