Паліцыя Мальты выявіла датычных да забойства журналісткі Дафнэ Каруаны Галіцыі, якая расьсьледавала магчымае дачыненьне да карупцыі прэм’ер-міністра краіны, яго сям’і і атачэньня.
Падазраванымі ў арганізацыі забойства названыя два чалавекі, выканаўцамі былі трое. Імёны падазраваных не апублікаваныя. Паводле дадзеных сьледзтва, саўдзельнікі злачынства мелі розныя матывы.
Летась у кастрычніку машына, за рулём якой знаходзілася журналістка, была падарваная.
ГЛЯДЗІЦЕ ТАКСАМА:
Асанж абяцае ўзнагароду за інфармацыю пра забойцаў журналісткі на МальцеПрэм’ер-міністар Джозэф Мускат назваў гібель Каруаны Галіцыі «барбарскім нападам». Ён заявіў, што Мальта папрасіла Фэдэральнае бюро расьсьледаваньняў ЗША аб дапамозе ў гэтай справе.
Міжнародны кансорцыюм журналістаў-дасьледчыкаў у 2016 годзе апублікаваў так званы «Панамскі архіў» — дадзеныя аб карупцыі ў найвышэйшых эшалёнах улады ў некалькіх краінах сьвету. Каруана Галіцыя на падставе гэтых дакумэнтаў заявіла, што жонка прэм’ер-міністра Мальты, верагодна, валодае афшорнай кампаніяй, якая атрымлівала грошы ад уладаў Азэрбайджану.