Прэзыдэнт ЗША Дональд Трамп выступіў з крытыкай Эўропы з нагоды яе выдаткаў на абарону і прафіцыту ў гандлі з ЗША, калі вярнуўся ў Вашынгтон пасьля паездкі ў Парыж з нагоды 100-годзьдзя заканчэньня Першай сусьветнай вайны, паведамляе «Голас Амэрыкі».
У новай сэрыі твітаў Трамп расказаў, што падчас сустрэч зь лідэрамі іншых краінаў «шмат чаго ўдалося дамагчыся», аднак «заўсёды нялёгка гаварыць пра тое, што з ЗША неабходна абыходзіцца справядліва, чаго ня робіцца як у вайсковай сфэры, так і ў гандлі».
Just returned from France where much was accomplished in my meetings with World Leaders. Never easy bringing up the fact that the U.S. must be treated fairly, which it hasn’t, on both Military and Trade. We pay for LARGE portions of other countries military protection,........
— Donald J. Trump (@realDonaldTrump) 12 ноября 2018 г.
«Мы аплочваем большую частку выдаткаў на вайсковую абарону іншых краінаў, мільярды даляраў, а ўзамен атрымліваем велізарную перавагу ў выглядзе страчаных сотняў мільярдаў даляраў у гандлі з тымі ж краінамі», — напісаў прэзыдэнт ЗША.
.....hundreds of billions of dollars, for the great privilege of losing hundreds of billions of dollars with these same countries on trade. I told them that this situation cannot continue - It is, and always has been, ridiculously unfair to the United States. Massive amounts.....
— Donald J. Trump (@realDonaldTrump) 12 ноября 2018 г.
Трамп дадаў: «Я сказаў ім, што гэтая сытуацыя ня можа працягвацца. Яна заўсёды была абсурдна несправядлівай у дачыненьні ЗША. Велізарная колькасьць грошай траціцца на абарону іншых краінаў, а мы не атрымліваем нічога, акрамя гандлёвага дэфіцыту і страт. Гэтым вельмі багатым краінам час або плаціць ЗША за выдатную вайсковую абарону, або абараняць сябе самастойна... а гандаль павінен быць свабодным і сумленным!»
.....of money spent on protecting other countries, and we get nothing but Trade Deficits and Losses. It is time that these very rich countries either pay the United States for its great military protection, or protect themselves...and Trade must be made FREE and FAIR!
— Donald J. Trump (@realDonaldTrump) 12 ноября 2018 г.
Дональд Трамп на працягу свайго прэзыдэнцтва ня раз абураўся тым, што многія эўрапейскія краіны пакуль не дасягнулі мэтавага паказьніку NATO ў выдатках на абарону — 2 адсоткі ад ВУП да 2024 году. Як чакаецца, сёлета гэтае патрабаваньне будуць выконваць восем з 29 краінаў альянсу: ЗША, Вялікая Брытанія, Грэцыя, Эстонія, Румынія, Польшча, Латвія і Літва.
Прэзыдэнт ЗША неаднаразова выказваў абурэньне з нагоды таго, што ў гандлі з ЗША ў Эўропы вялікі прафіцыт (101 мільярд даляраў у 2017 годзе). Гэта азначае, што Эўразьвяз пастаўляе ў ЗША значна больш тавараў і паслуг, чым імпартуе.
У апошнія месяцы Трамп павысіў мыта на імпарт сталі і алюмінію з Эўропы, а Эўразьвяз у адказ увёў павышаная мыта на ключавыя тавары амэрыканскага экспарту, такія як джынсы, матацыклы, апэльсінавы сок і бурбон.