У суботу, 1 верасьня, у горадзе Хемніц на паўднёвым усходзе Нямеччыны паліцыя затрымала каля 300 прыхільнікаў і праціўнікаў міграцыйнай палітыкі ўраду, паведамляе паліцыя. Паводле выданьня Bild, падчас беспарадкаў пацярпелі 11 чалавек. Яны былі шпіталізаваныя.
На вуліцы гораду выйшлі з маршам больш за 4 тысячы ультраправых, выказваючы сваю пазыцыю супраць прыняцьця ўцекачоў у Нямеччыне. Ім супрацьстаялі амаль столькі ж удзельнікаў мітынгу «Сэрца замест нянавісьці» — яны заклікалі людзей да талерантнасьці ў адносінах да мігрантаў.
#c0109 Die Einzigen, die gewalttätig die #Polizei in #Chemnitz provozieren sind #Linke und #Linksextremisten der #Antifa pic.twitter.com/Ra6jO5mLz6 #AfD #Wirsindmehr #AfDwirkt und bleibt friedlich.
— J. Eckleben (@Eckleben) September 1, 2018
Хваляваньні ў Хемніцы працягваюцца з 26 жніўня, калі стала вядома пра забойства 35-гадовага немца пра арышт падазраваных — іракскага і сірыйскага мігрантаў.
У суботу ў горадзе павінен быў прайсьці «Марш маўчаньня» — у памяць пра забітага немца. Але мясцовыя ўлады забаранілі гэтую акцыю і перакрылі доступ да цэнтру гораду.
Больш за 1200 паліцэйскіх спрабавалі стрымаць сутыкненьні і заклікалі мітынгоўцаў разысьціся. На вуліцы вывелі шэсьць вадамётаў.
Today in #Chemnitz, #Germany. pic.twitter.com/9SgEJzj13n
— Ashraf Baloch (@ASJBaloch) September 1, 2018
Мясцовыя ўлады лічаць, што гнеў натоўпу падагравалі фальшыўкі з сацыяльных сетак.