На сайце Petitions.by 1 жніўня зьявілася пэтыцыя за абмежаваньне руху матацыклаў у начны час.
У пэтыцыі прапануюць абмежаваць рух матацыклаў па вуліцах населеных пунктаў у начны час.
«Шмат хто езьдзіць без глушыльніка, на вялікай хуткасьці, у выніку рухавік транспартнага сродку стварае вельмі моцны шум, тым самым парушаючы права на адпачынак грамадзянаў у начны час», — гаворыцца ў пэтыцыі.
Пэтыцыю накіруюць у Міністэрства транспарту і камунікацый і Ўпраўленьне ДАІ МУС Беларусі.