Урад Аўстрыі мае намер павялічыць дазволеную працягласьць працоўнага дня. Гэтыя пляны вывелі на вуліцы Вены дзясяткі тысяч людзей.
#12stundentag #neinzum12stundentag wir sind sehr sehr viele. Und dank einem lieben Freund sehen wir einen Ausschnitt dieser Riesendemo auch von oben. pic.twitter.com/KLDnedGmKM
— karin ortner (@karin_links) 30 июня 2018 г.
30 чэрвеня ў Вене прайшла шматтысячная пратэставая акцыя супраць плянаў ураду Аўстрыі павялічыць дапушчальную працягласьць працоўнага дня да 12 гадзін, а працоўнага тыдня — да 60 гадзін, паведамляе Deutsche Welle.
Паводле дадзеных паліцыі, у мітынгу прынялі ўдзел 80 тысяч чалавек, прафсаюзы заявілі пра 100 тысяч удзельнікаў.
Demo gegen den 12-Stunden-Tag am Heldenplatz in Wien.#12StundenTag #12htag #Demo #Wien pic.twitter.com/G1AzrAalRk
— Michael Aringer (@MichaelAringer) 30 июня 2018 г.
Цяперашняя акцыя пратэсту стала першай у краіне пасьля таго, як у канцы 2017 году канцлерам Аўстрыі стаў Сэбастыян Курц. Узначалены ім урад разглядае паслабленьні ў працягласьці працоўнага часу як меру, дзякуючы якой прадпрыемствы атрымаюць вялікую «гнуткасьць». Адпаведны законапраект павінен будзе выстаўлены на галасаваньне ў аўстрыйскім парлямэнце ў бліжэйшы чацьвер, 5 ліпеня.
Danke an mehr als 100.000, die heute gegen den #12StundenTag auf die Straße gegangen sind! Eine Zusammenfassung und Links zu vielen Medienberichten findet ihr jetzt auf https://t.co/JvosddRrES #neinzum12stundentag #12hTag pic.twitter.com/6xGq5E1Jk5
— ÖGB (@oegb_at) 30 июня 2018 г.
На сёньня стандартная працягласьць працоўнага дня ў Аўстрыі складае 8 гадзін, а працоўнага тыдня — 40 гадзін. Але ўжо цяпер прадпрыемствы маюць права займаць сваіх супрацоўнікаў на працягу дзесяці гадзін у дзень і да 50 гадзін у тыдзень. Пад ціскам апазыцыі ўрад зьмякчыў нормы раней падрыхтаванага законапраекту, дазволіўшы працадаўцам самім вырашаць, ці павялічваць працоўны час.