Тут упершыню могуць сустрэцца лідэры Паўночнай Карэі і ЗША.
Кім Чэн Ын рыхтуецца да сустрэчы з прэзыдэнтам ЗША Дональдам Трампам. Яна адбудзецца 12 чэрвеня на высьпе Сэнтоса, — перадае ВВС.
Фотаздымак прыбыцьця Кім Чэн Ына разьмясьціў у твітэры міністр замежных спраў Сынгапуру Вівіян Балякрышнан.
Welcomed Chairman Kim Jong Un, who has just arrived in Singapore. pic.twitter.com/ZLK4ouIejx
— Vivian Balakrishnan (@VivianBala) June 10, 2018
Вашынгтон спадзяецца, што сустрэча пачне працэс, у выніку якога Паўночная Карэя адмовіцца ад ядзернай зброі.
Напярэдадні саміту абодва кіраўнікі дзяржаваў сустрэнуцца з прэм’ер-міністрам Сынгапуру Лі Сянь Лунгам.