Нямецкі канцэрн Adidas выпусьціў калекцыю спартовага адзеньня, прысьвечаную СССР. Міністэрства замежных спраў Літвы назвала гэта «імпэрыялістычнай настальгіяй», а ва Ўкраіне кампанію папярэдзілі пра адказнасьць за продаж спартовага адзеньня з выявай герба СССР.
Калекцыя Adidas прысьвечана чэмпіянату сьвету па футболе, які пройдзе ў Расеі ўлетку. На фота, якое разышлося па інтэрнэце і выклікала крытыку, — дзяўчына ў чырвонай сукенцы стылю 1980-х з прынтам ў выглядзе герба СССР і надпісам USSR.
Thanks to all who helped point out the millions of reasons Y #Adidas shouldn%27t sell USSR - Soviet Union shirts. They now appear to have stopped. Shirts celebrated Russia%27s #Worldcup. Can%27t order via UK & US page appears deleted. 20 million people murdered during #Stalin%27s reign pic.twitter.com/tjKoMnVHkt
— Glasnost Gone (@GlasnostGone) May 7, 2018
Мадэлі з савецкай сымболікай выклікалі рэакцыю Міністэрства замежных спраў Літвы.
«Хвароба "імпэрыялістычнай настальгіі" ўсё яшчэ сустракаецца. Трохі нечакана бачыць гэта ад знакамітай Adidas», — гаворыцца ў твітэры літоўскага міністэрства.
Being sick with "imperial nostalgia" - it still occurs. A bit surprising from the famous @adidas, though. https://t.co/fRjAQCH525 pic.twitter.com/kgdGobszTS
— LT MFA STRATCOM (@LT_MFA_Stratcom) May 5, 2018
Ва Украіне Інстытут нацыянальнай памяці папярэдзіў кампанію Adidas-Украіна пра адказнасьць за продаж у краіне спартыўнай адзеньня з выявай дзяржаўнага герба Савецкага Саюзу, — копію дакумэнта з папярэджаньнем прыводзіць выданьне «Новое время».
Пазьней фатаграфіі з адзеньнем з гэтай калекцыі зьніклі з сайта кампаніі Adidas.
Гэта не першы выпадак, калі модныя брэнды адзеньня сустракаюць нэгатыўную рэакцыю на свае калекцыі ў сувязі з палітычнымі прэтэнзіямі.
Так, у лютым амэрыканскую кампанію Nike падазравалі ў прызнаньні так званых «Луганскай і Данецкай народнай рэспублік» за сэрыю футболак з лягатыпам LDNR. Але ў кампаніі заявілі, што футболкі выпушчаныя да лёнданскага маратону, а лягатып значыць «Londoner» (лёнданец).
Нічого цікавого, просто новий логотип Nike до лондонського марафону. Гортайте далі🤦🏻♂️ pic.twitter.com/x9fLEQ9E2Z
— Liubov Bagatska (@LBagatska) February 4, 2018
12 студзеня Служба бясьпекі Ўкраіны пачала дасудовае расьсьледаваньне ў дачыненьні да працы ў Крыме кампаній Adidas, Puma і DHL — у межах крымінальнай справы аб меркаванай працы гэтых кампаній на анэксаваным паўвостраве, паведамляе ўкраінская служба Радыё Свабода.