Тэлеканал «Россия 24» распавёў, што ўрад Латвіі выдаляе з краіны журналістку каналу Вольгу Курлаеву.
Паводле тэлеканалу, яна павінна пакінуць краіну на працягу 24 гадзін. Яе абвінавачваюць у пагрозе нацыянальнай бясьпецы Латвіі.
У паведамленьні таксама гаворыцца, што напярэдадні з краіны дэпартавалі яе мужа, журналіста тэлеканала «ТВ Цэнтр» Анатоля Курлаева, які знаходзіўся ў краіне з прыватным візытам.
Прэс-сакратар Дзяржаўнай службы памежнай аховы Крысьціне Пэтэрсоне распавяла, што Курлаева апынулася ў сьпісе асобаў, якім забаронены ўезд на тэрыторыю краіны.