Нягледзячы на забарону Канстытуцыйнага суду Гішпаніі, парлямэнт Каталёніі абмяркуе абвяшчэньне незалежнасьці ад Гішпаніі ў аднабаковым парадку.
Паседжаньне парлямэнту адбудзецца ў панядзелак. Пра гэта заявіў міністар каталёнскага рэгіянальнага ўраду па замежных справах Рауль Рамэва.
Напярэдадні Канстытуцыйны суд Гішпаніі забараніў праводзіць гэтую сэсію парлямэнта. Прэмʼер-міністар Марыяна Рахой заклікаў улады Каталёніі выконваць закон і адмовіцца ад плянаў аддзяліцца.