У прыгарадзе Парыжу аўтамабіль наехаў на групу вайскоўцаў і зьехаў. Паводле дадзеных агенцтва Reutres, шэсьць чалавек пацярпелі, двое зь іх сурʼёзна параненыя. Загінулых няма. Паліцыя праводзіць спэцапэрацыю, вядзецца пошук зламысьніка.
Мэр гораду Левалуа-Пэры, дзе адбыўся напад, назваў атаку сплянаванай. Паводле відавочцаў, аўтамабіль стаяў ля казармы і чакаў выхаду вайскоўцаў.
Paris : une voiture fonce sur des militaires de l%27opération Sentinelle à Levallois-Perret, 6 blessés https://t.co/baWaildKTy #AFP pic.twitter.com/ZnzZe8lLV6
— Agence France-Presse (@afpfr) August 9, 2017
Цягам апошніх двух з паловай гадоў у Францыі адбылася сэрыя тэрактаў, загінулі агулам больш як 200 чалавек. У краіне павышаныя меры бясьпекі. Нярэдка нападнікаў складана адсачыць загадзя, паколькі яны дзейнічаюць у адзіночку.
У ліпені парлямэнт Францыі падоўжыў рэжым надзвычайнага становішча на паўгоду. Надзвычайную сытуацыю ўвялі пасьля сэрыі тэрактаў у Парыжы ў лістападзе 2015. Францускія ўлады маюць намер адмяніць рэжым НС пасьля пашырэньня паўнамоцтваў паліцыі і спэцслужбаў.