20 красавіка а 18-й гадзіне ў Курапатах ля Крыжа пакут адбудзецца міжканфэсійная малітва за Беларусь.
Актывістка Вольга Севярынец паведаміла карэспандэнту Свабоды:
«Гэтая малітва прымеркаваная да двух гадоў Няспыннай малітвы за Беларусь. Удзельнічаць будуць вернікі розных канфэсіяў, Павал Севярынец, Ніна Шыдлоўская, Ганна Шапуцька».
Пасьля малітвы яе ўдзельнікі правядуць экскурсію па Курапатах.