У Марыюпалі ў пятніцу раніцай у выніку выбуху аўтамабіля загінуў палкоўнік Службы бясьпекі Ўкраіны Аляксандар Хараберуш. Пра гэта паведамляе прэс-служба СБУ.
У пракуратуры Данецкай вобласьці заявілі пра тэракт. Паводле кіраўніка ўпраўленьня паліцыі Ўкраіны ў Данецкай вобласьці, тэракт арганізавала «дывэрсійна-разьведвальная група ДНР».
На месцы працуюць сьледчыя і спэцыялісты. Яны дапытваюць сьведак і вызначаюць тып выбуховага прыстасаваньня.