Міністэрства замежных справаў Чэскай Рэспублікі ў панядзелак заклікала ўлады Беларусі і Расеі вызваліць людзей, якія былі затрыманыя падчас дэманстрацый у мінулыя выходныя.
Міліцыя ў Беларусі арыштавала ў суботу больш за 400 удзельнікаў шэсьця на Дзень Волі, якія таксама пратэставалі супраць эканамічнай і сацыяльнай палітыкі ўладаў.
1/2 Closely following the current developments in #Belarus and #Russia.
— Czech MFA (@CzechMFA) 27 marca 2017
2/2 Call on respective authorities to release all the detained citizens and respect fundamental rights and freedoms.
— Czech MFA (@CzechMFA) 27 marca 2017
Падчас нядзельных акцый пратэсту супраць карупцыі ў Маскве было затрымана больш за сотню дэманстрантаў, уключна з апазыцыйным лідэрам Аляксеем Навальным.
«Мы ўважліва сочым за разьвіцьцём сытуацыі ў Беларусі і Расеі. Мы заклікаем усе адказныя органы да вызваленьня ўсіх затрыманых і павазе іх правоў і свабод», — заявіла Міністэрства замежных справаў Чэхіі на сваёй старонцы ў Твітэры.