На поўдні Пакістану больш за 70 чалавек загінулі, больш як 150 — былі параненыя ў выніку выбуху ў суфійскай сьвятыні Лал Шахбаз Каландар.
Улады асьцерагаюцца, што колькасьць ахвяр нападу будзе расьці.
Выбух зрабіў сьмяротнік, які знаходзіўся ў натоўпе паломнікаў, якія наведвалі суфійскую сівятыню ў горадзе Сэхван-Шарыф.
Адказнасьць за напад ўзяла на сябе пакістанская суполка тэрарыстычнай групоўкі «Ісламская дзяржава».
Паводле ацэнак СМІ, гэта — адзін з самых крывавых тэрактаў у Пакістане за некалькі апошніх гадоў.
Радыкальныя ісламісты лічаць суфізм вераадступніцтвам.