Абраны прэзыдэнт ЗША Дональд Трамп заявіў, што не адмовіцца ад санкцый супраць Паўночнай Карэі, прымаючы пад увагу пагрозу, якую ўяўляе сабой яе ядзерная праграма.
1 студзеня паўночнакарэйскі лідэр Кім Чэн Ын заявіў, што яго краіна «блізкая да стварэньня» міжкантынэнтальнай балістычнай ракеты і хутка адбудуцца яе першыя выпрабаваньні. Трамп, у сваю чаргу, напісаў у «Твітэры», што гэтага не будзе.
МЗС Паўднёвай Карэі адзначыў, што ўпершыню з моманту абраньня на пост прэзыдэнта ЗША 8 лістапада 2016 года Трамп згадаў аб ядзернай праграме КНДР.
У лістападзе 2016 году Рада Бясьпекі ААН увяла новыя санкцыі ў дачыненьні да Паўночнай Карэі ў адказ на яе чарговае ядзернае выпрабаваньне.
Санкцыі супраць КНДР уводзіліся ўжо 5 разоў з 2006 году, калі безвынікова завяршыліся трохгадовыя шасьцібаковыя перамовы аб згортваньні ядзернай праграмы Пхеньяну ў абмен на харчовую і энэргетычную гуманітарную дапамогу.